|
TE KURA O OMANAIAI hakatūwherahia ai te kura o Ōmanaia i te tau 1881 i raro i te ture whenua o Native Schools Act. No mua iho ra, i tākohatia atu te whenua nei nā te ringa aroha o ngā tūpuna o Ōmanaia hei tūāpapa kia hakatū mai he kura, arā, kua puta ko Omanaia Native School.
Ka noho mai te kura o Ōmanaia o roto i te tonga o Hokianga, i waenganui i Waima me te taone o Rāwenewene, a, e noho muri mai ana i te marae o Te Piiti me te urupā o Tāpikitū, i raro hoki i ngā rekereke o ngā maunga teitei a Puke Huia me Ngā Puke Haua. Ko ngā paraka whenua e noho hāngai ana o roto o Ōmanaia ko Ahikawariki, Karatia, Te Taraire, Potaka, Tapikitu, Taiwhakapiki, Horotiu me Ōmanaia whenua. Ko Ngāti Hau me Ngāti Kaharau ngā hapū, a, ko te tini o ngā tamariki e kuraina ana - he uri whakatupuranga no ēnei hapū. |
MO MATOU AKE |
He kura rūmaki Māori a te kura o Ōmanaia, ā, he kura reo rua taumata 2 (50-81% te reo Māori) kē. E hakaakona mai ai ngā marau aho i tō tātou reo rangatira. E tōrere ana mātou ki te kawea, ki te puritia anō te reo Māori me ōna tikanga katoa i raro i te kawa o Ngāti Kaharau, Ngāti Hau.
E matenui ana te pōari me ngā kaiako ki te whangaihia i te reo Māori me ngā marau aho katoa kia eke ai rātou ngā tamariki kia anga hakamua ki te whei ao, ki te ao marama. Inaiatonu nei - e toru kē ngā akomanga i te kura nei Tau 0-2 - Whaea Linda Tau 3-4 - Matua Charlie Tau 5-8 - Matua Jon |
MO TE TAU 2017 |
No 2017, e 31 ngā tamariki kei to mātou kura a Ōmanaia Ko te kura o Waima me te kura o Rawene e noho tata mai ana. Kei Whirinaki e tākoto mai ana te Kura Kaupapa Māori o te Tonga o Hokianga. Kei Opononi ko te kura takiwā o Opononi. 100% he Māori ngā tamariki katoa i te kura o Ōmanaia. Koianei ko ngā kura katoa e tū ana i te tonga o Hokianga.
|