|
TE KURA O OMANAIAI hakatūwherahia te Kura o Ōmanaia i te tau 1881 i raro i te ture whenua o Native Schools Act. No mua iho ra, na te aroha o wetahi o nga whanau no konei i tākohatia he poraka whenua hei tūāpapa kia hakatū mai he kura, ā, ko Omanaia Native School, i te Maehe o 1881.
Ka noho te kura o Ōmanaia o roto i te tonga o Hokianga, i waenganui o Waima me te taone o Rāwenewene, a, e noho muri mai ana i te marae o Te Piiti me te urupā o Tāpikitū, i raro hoki i ngā rekereke o ngā maunga teitei a Puke Huia me Ngā Puke Haua. Ko ngā poraka whenua e noho hāngai ana o roto o Ōmanaia ko Ahikawariki, Karatia, Te Taraire, Potaka, Tapikitu, Taiwhakapiki, Horotiu me Ōmanaia whenua. Ko Ngāti Hau me Ngāti Kaharau ngā hapū tūturu o Ōmanaia, a, ko te tini o ngā tamariki e kuraina ana - he uri whakatupuranga no ēnei hapū. |
MO MATOU AKE
|
He kura ā Iwi mātou, ā, he kura reo rūmaki (81% - 100% reo Māori) kē. E hakaakona mai ai ngā marau aho i te reo Maori. E tōrere ana mātou ki te kawea, ki te puritia anō ko te reo Māori me ōna tikanga katoa i raro i te kawa o Ngāti Kaharau, Ngāti Hau.
E matenui ana te pōari me ngā kaiako ki te whangaihia i te reo Māori me ngā marau aho katoa kia anga hakamua a tatou uri ki te tihi o angitu. Inaiatonu nei - e whā kē ngā akomanga i te kura nei Tau 0-2 - Whaea Maia Riiwhi-Tupe Tau 3-4 - Whaea Georgina Neho Tau 5-6 - Whaea Tanya Filia Tau 7-8 - Whaea Kelly Trebilco |
MO TE TAU 2025 |
I tenei wa, 70 ngā tamariki kei to mātou kura a Ōmanaia Heoi, ko te tumanako o te kura - ko te whakawhānui ake ki te te tau 9-10 mo ngā 2025 me 2026 hoki. I tēnei wā tonu, e tuku atu ana ta mātou tono ki te Tahuhu o te Matauranga me te Minita Matauranga kia whakaae kia pērā.
|